सुधागडमध्ये पतीने पत्नीचा गळा दाबून केला खून

 पाली 

   पत्नीचा गळा दाबून खून करणाऱ्या पतीला पाली पोलिसांनी खुनाच्या आरोपाखाली अटक केली आहे. सुधागड तालुक्यातील नवघर ग्रामपंचायत हद्दीतील उंबरवाडी कातकर वाडीजवळील डोंगरावरील जंगलात शनिवारी एका महिलेचा मृतदेह आढळला. या महिलेच्या पतीने पत्नी कुसबा पवार हरवल्याची तक्रार पोलीस स्थानकात दाखल केली होती. पाली पोलिसांना तपासादम्यान मृत महिलेच्या पती सागर पवारवर संशय बळावला. पोलीस खाक्या दाखवल्यावर सागर पवार याने आपणच पत्नीचा गळा आवळून खून केल्याची कबुली दिली.याबाबत सविस्तर माहिती अशी की, नवघर उंबरवाडी येथील डोंगराळ भागात आदिवासी लोकांना शनिवारी एक महिला मृतावस्थेत असल्याचे निदर्शनास आले होते. या घटनेची माहिती मिळताच पाली पोलीस ठाण्याच्या पोलीस निरीक्षक सरिता चव्हाण व पथकाने घटनास्थळी धाव घेतली. महिलेचा मृतदेह कुजलेल्या अवस्थेत असल्याने ओळख पटविणे मुश्कील होते. रविवारी रायगड जिल्हा पोलीस अधीक्षक सोमनाथ घार्गे व विभागीय पोलीस अधिकारी रोहा सोनाली कदम यांच्या मार्गदर्शनाखाली श्वान पथक, पाली पोलीस निरीक्षक व पोलीस कर्मचारी, फिंगर प्रिंट टीम, डॉक्टर व ग्रामस्थ अशी टीम घटनास्थळी जाऊन मृतदेहाचे नमुने घेऊन शवविच्छेदन करण्यात आले.

■ पोलिसांनी आवळल्या आरोपी पतीच्या मुसक्या

अज्ञात मृतदेहाची ओळख पटवणे पोलिसांसमोर आव्हान निर्माण झाले होते. यादरम्यान आरड्याची वाडी येथील आदिवासी महिला बेपत्ता असल्याची तक्रार तिचा पती सागर पवार याने जांभूळपाडा पोलीस चौकीत मंगळवारी दाखल केली होती. त्यानुसार पोलिसांनी तक्रारदारांच्या घरी जाऊन अज्ञात महिलेच्या अंगावरील कपडे त्या कुटुंबाला दाखवले. त्या कपड्यांच्या आधारावर ती अज्ञात महिला सागर पवारची

म्हणून केला खून

सागरने सांगितले की, पत्नी कुसबा ही तिच्या बहीण व भावाला दिलेले पैसे परत करत नव्हती. शिवाय वारंवार खर्चाकरिता पैसे मागत होती. सागर याने दुसरे लग्न केल्याच्या कारणावरून त्याला मानसिक त्रास देत असल्याच्या रागाने सागरने पत्नीचा खून केल्याचे सांगितले.पत्नी कुसबा पवार असल्याचे निष्पन्न झाले. परंतु ही अज्ञात मृत महिला कोण आहे याचा शोध जरी लागला असला तरी त्या महिलेच्या मृत्यूचे नेमके कारण काय, याचा शोध पोलिसांनी घेण्यास सुरुवात केली. मृत महिलेचा पती सागर पवार पोलिसांपासून काहीतरी लपवत असल्याचा संशय आला. त्यानुसार पोलिसांनी सागरची चौकशी करण्यास सुरुवात केली. अखेर सागरनेच त्याच्या पत्नीचा गळा दाबून खून केला असल्याचे त्याने कबूल केले.