डॉ. प्रभाकर गावंड विद्यालयात क्रीडा स्पर्धेचे उदघाटन

परळी(प्रतिनिधी): परळी येथील कोकण एज्युकेशन सोसायटीचे डॉ. प्रभाकर गावंड विद्यालयात दिनांक 13/12/2023 रोजी क्रीडा स्पर्धेचे उदघाटन सोहळा संपन्न झाला. क्रीडा स्पर्धा उदघाटन सोहळा मा. उदय धुमाळ साहेब शिवसेना शाखाप्रमुख परळी, तसेच मान. सुनील वाघोस्कर जेष्ठ समाज सुधारक यांचा उपस्थितीत संपन्न झाला. शालेय क्रीडा सामने सुरु झाले असून शाळेत उपस्थित पाहुण्यांचे स्वागत व परिचय शाळेतील शिक्षक भालेराव सर यांनी केले. तसेच पाहुण्यांचे स्वागत जेष्ठ शिक्षक श्री. अहिरे सर, आणि जेष्ठ शिक्षिका सौ. शिरसाळे मॅडम यांनी पुष्प गुच्छ देऊन केले. तसेच शाळेचे चेअरमन मान. ऍड. प्रवीण भाई कुंभार यांचे स्वागत नारळ पुष्प गुच्छ देऊन करण्यात आले. त्या वेळी पाहुण्यांचा उपस्तितीत विध्यार्थ्यानी शपथ घेऊन सामने खेळी मेलीचा वातावरणात संपन्न करण्याचा निश्चय केला. त्या वेळी शाळेतील शिक्षक आणि विध्यार्थी उत्साहाने सहभागी झाले होते.