पाली तहसील कार्यालयात महसूल दिन उस्ताहात साजरा

पाली , दि.01 -ऑगस्ट 2024 

सुधागड -पाली तालुक्यात *महसूल दिन* साजरा करण्यात आला. तसेच सदर दिवसाचे औचित्य साधून *मुख्यमंत्री-लाडकी बहीण योजना* शिबिराचे आयोजन करण्यात आलेले आहे. यावेळी रोहाचे उपविभागीय अधिकारी मा. श्री ज्ञानेश्वर खुटवड तहसीलदार सुधागड श्री. उत्तम कुंभार , श्रीम . रंजना म्हात्रे महिला व बालविकास अधिकारी तहसील कार्यालय सुधागड मधील सर्व नायब तहसीलदार व सर्व अधिकारी, कर्मचारी उपस्थित होते. सदर शिबिराला लाभार्थी महिला व अंगणवाडी सेविका यांचा उस्फुर्त प्रतिसाद लाभला.

सदर शिबिरात पात्र महिलांचे योजनेसाठी अर्ज भरून घेणे, अर्जांची तपासणी करून ऑनलाइन करणे, अर्जांची पडताळणी करणे इ. कार्यवाही करण्यात येत आहे. तसेच पात्र लाभार्थींना आवश्यक कागदपत्रे तात्काळ उपलब्ध होण्यासाठी सदर शिबीर स्थळी आधार सुविधा केंद्र व आपले सरकार केंद्राची सुविधा उपलब्ध करण्यात 

आली होती .