एक झाड स्वतःसाठी आगरी कोळी मेडीकोज तर्फे वृक्षारोपण मोहीम

पाली, वृक्षारोपण मोहिमेत सामील डॉक्टर व मित्रपरिवार.

अमित गवळे 

पाली,(वार्ताहर) निसर्गाचे ऋण फेडण्याच्या उद्देशाने आगरी कोळी मेडीकोज (AKM) पनवेल विभाग या डॉक्टरांच्या संघटनेतर्फे पनवेल येथील आदई गावच्या डोंगरावरील ओसाड जागेत पनवेल ट्रेकर्स ग्रूपच्या सहयोगाने "एक झाड स्वतःसाठी " ही वृक्षारोपण मोहीम नुकतीच राबविण्यात आली. या मोहिमेत यावर्षी 50 झाडे लावण्यात आली. 

             या मोहिमेत 30 डॉक्टरांनी सहकुटुंब प्रत्यक्षात सहभाग घेतला होता. यात महिला डॉक्टरांची उपस्थिती उल्लेखनीय होती. मोहिमेसाठी अनेकांनी आर्थिक योगदान दिले. तसेच सर्वांनी निसर्ग संवर्धनाचा आनंद घेतला. दरवर्षी ही वृक्षारोपण आणि वृक्ष्यसंवर्धन मोहीम राबविण्याचा मनोदय व्यक्त केला. या संकल्पनेचे सर्व आयोजन डॉ. वैभव कोपरकर व उत्तम ढेबे यांनी यशस्वीपणे केले होते.