रुपाली चंद्रशेखर गायकवाडची आयुर्वेदात एम.डी(MD) पदवी संपादन. सर्वस्तरावरून अभिनंदनाचा वर्षाव.

निशांत पवार,

पाली, सुधागड तालुक्यातील सिद्धार्थनगर नाणोसे गावची व सुधागड तालुक्यातील तसेच परळी पंचक्रोशीतील जेष्ठ राजकीय नेते व सामाजिक कार्यकर्ते गेणू सोमा गायकवाड व परळी ग्रामपंचायतीच्या मा.सरपंच अनुसया गेणू गायकवाड यांची नात, दि.चंद्रशेखर गेणू गायकवाड यांची कन्या (सध्या मुंबईत स्थायिक)  डॉ. रूपाली गायकवाड यांनी आयुर्वेदात घवघवीत यश प्राप्त केले असून एम.डी(MD) ही पदव्युत्तर

पदवी संपादन केली आहे. त्यामुळे डॉ.रुपाली गायकवाड यांचे सर्वस्तरावरून अभिनंदन करुन व शुभेच्छा दिल्या जात आहेत.

        अतिशय मेहनतीने व अभ्यासाच्या जोरावर डॉ रुपाली गायकवाड यांनी हे यश प्राप्त केले आहे. मुंबई वरळी मधील पोद्दार  आयुर्वेद मेडिकल कॉलेज मधून एम.डी पर्यंतचे शिक्षण पूर्ण केले आहे. हे करीत असतांना प्रत्येक वर्षात प्रथम श्रेणीततून उत्तीर्ण झाल्या आहेत. जिद्द आणि जिकाटीच्या जोरावर त्यांनी हे शिक्षण पूर्ण केले आहे. हे शिक्षण घेत असतांना पोद्दार रुग्णालयातील रुग्णांची मनोभावे सेवा देखील केली आहे. त्यामुळे त्यांना या शेत्रात नाविन्यपूर्ण यश प्राप्त झाले आहे. या यशप्राप्तीसाठी डॉ.रुपाली गायकवाड यांच्या पाठीशी त्यांच्या कुटुंबातील सर्वजण,मित्रमंडळी, नातेवाईक यांनी खंबीरपणे उभे राहून त्यांना प्रोत्साहित केले आहे. 

        पुढे या क्षेत्रात आपलं करिअर करुन अधिकाधिक अनुभवासह तज्ञ बनण्याची भावना डॉ. रुपाली गायकवाड यांनी व्यक्त केली.