खालापूरातील कारगाव येथील ९१ वर्षीय शंकर मुसळे हरवले; नागरिकांना माहिती देण्याचे आवाहन

खालापूरातील कारगाव मधून ९१ वर्षीय वृद्ध बेपत्ता; नागरिकांच्या मदतीचे आवाहन

वावोशी/जतिन मोरे :- खालापूर तालुक्यातील मौजे कारगाव येथील ९१ वर्षीय शंकर शिवराम मुसळे हे दिनांक १४ ऑक्टोबर रोजी दुपारी २:३० वाजता साजगाव येथील विठ्ठल रुक्मिणी मंदिरात देवदर्शनासाठी जातो, असे सांगून घरातून बाहेर पडले. मात्र, त्यानंतर ते अद्याप घरी परतले नाहीत. आज चार दिवस उलटूनही त्यांचा काहीच तपास लागला नाही.

त्यांच्या कुटुंबीयांनी आणि मित्रमंडळींनी सर्वत्र शोध घेतला, मात्र शंकर मुसळे यांचा ठावठिकाणा लागत नसल्याने कुटुंबीयांनी खालापूर पोलीस ठाण्यात तक्रार दाखल केली आहे. या घटनेचा तपास पोलीस अधिकारी गेंड करीत आहेत.

शंकर मुसळे यांची ओळख सांगताना, ते अंगात शर्ट-पँट आणि डोक्यावर पांढरी टोपी घातलेले आहेत, असे कुटुंबीयांनी नमूद केले आहे. नागरिकांना आवाहन करण्यात आले आहे की, जर कोणी या वयोवृद्ध व्यक्तीला कुठे पाहिले असेल तर त्वरित आकाश मुसळे (मो. 8888622492) किंवा प्रशांत मुसळे (मो. 8411068020) तसेच खालापूर पोलीस स्टेशनशी संपर्क साधावा.

कुटुंबीय त्यांच्या परतीची आशा बाळगून आहेत आणि नागरिकांच्या सहकार्याची अपेक्षा व्यक्त करत आहेत.