मणिपूर घटनेच्या निषेधार्थ,रायगडात वंचित बहुजन आघाडीचा एल्गार मोर्चा

 

पाली/ वाघोशी (अमित गायकवाड) मणिपूर राज्यात कुकी या आदिवासी समाजाच्या महिलेची विवस्त्र धिंड काढून केलेल्या अत्याचाराच्या निषेधार्थ वंचित बहुजन आघाडीच्या वतीने रायगड जिल्हाधिकारी कार्यालयावर भव्य एल्गार मोर्चाचे आयोजन गुरुवार दि. 03-08-2023 रोजी करण्यात आले होते. यावेळी वंचित बहुजन आघाडीतील नारिशक्ती एकवटली व भाजप विरोधी नारे देत मणिपूरचे मुख्यमंत्री व केंद्रीय गृहमंत्री यांच्या राजीनामाची मागणी मोर्चेकरांच्या वतीने करण्यात आली. शिवाय जिल्हाधिकाऱ्यांमार्फत पंतप्रधानांना निवेदन देखील देण्यात आले.

दोन महिन्यापासून मणिपूर राज्य जळत आहे. लेकीच्या बळींची अब्रू घेतल्या जात आहे. एकीकडे 'बेटी बचाव, बेटी पढाव' चे नारे या देशात सुरू आहेत. मात्र मणिपूरमध्ये वेळीच लक्ष घातले असते तर अशी लज्जास्पद घटना घडली नसती. कुकी महिलावर झालेल्या अमानवीय अत्याचाराने संतप्त झालेल्या वंचित आघाडीच्या वतीने डाॅक्टर बाबासाहेब आंबेडकर यांच्या पुतळ्यास पुष्पहार अर्पण करून जिल्हाधिकाऱी कार्यालय पर्यंत घोषणा देत मोर्चा काढण्यात आला. या मोर्चात वंचित बहुजन आघाडीचे रायगड जिल्ह्या अध्यक्ष प्रदीप ओव्हाळ,  महासचिव वैभव केदारी, जिल्हा युवाध्यक्ष अमित गायकवाड, प्रदीप कांबळे, सचिन गायकवाड,चंद्रकांत साळुंखे,  सुधागड तालुका अध्यक्ष राहुल गायकवाड,  महासचिव आनंद जाधव, खोपोली शहर अध्यक्ष दिपक गायकवाड,  कर्जत तालुकाध्यक्ष धर्मेंद्र मोरे, खालापूर तालुका अध्यक्ष प्रवीण भालेराव, उरण तालुका अध्यक्ष तुकाराम खंडागळे, अलिबाग तालुका अध्यक्ष घरत,खालापूर तालुकाध्यक्ष युवक प्रशांत गायकवाड पेण तालुका युवा अध्यक्ष संजय गायकवाड यांच्यासह शेकडो कार्यकर्ते व पदाधिकरी उपस्थित होते.