सहा फूट अजगराला सर्पमित्राने दिले जीवदान

 

पाली, ता. 17 (अमित गवळे ) सुधागड तालुक्यातील आरड्याची वाडी गावात लोकवस्तीत रविवारी (ता.14) रात्री तब्बल सहा फूट लांब अजगर शिरला होता. या अजगराला येथील सर्पमित्र चांद शेख यांनी मोठ्या शिताफीने पकडले आणि सोमवारी (ता.15) वनविभागाच्या मदतीने सुखरूप जंगलात सोडून दिले.

     या अजगराला पाहून ग्रामस्थ घाबरले होते. मात्र त्यांनी लागलीच सर्पमित्र चांद शेख यांना अजगर पकडण्यासाठी बोलावले. चांद शेख यांनी अजगराला पकडल्यावर ग्रामस्थांनी सुटकेचा निःश्वास सोडला. घरात, घराजवळ किंवा मानवी वस्तीमध्ये साप आल्यास कोणीही घाबरून जाता तसेच सापाला कोणतीही दुखापत न करता जवळच्या सर्पमित्राला बोलवावे असे आवाहन यावेळी सर्पमित्र चांद शेख यांनी ग्रामस्थांना केले. 

फोटो , पाली, चांद शेख यांनी अजगराला पकडले 

फोटो, अजगराला जंगलात सुखरूप सोडले.