माधवीताई जोशी यांच्या उमेदवारीने कार्यकर्त्यांमध्ये उत्साहाचे वातावरण.-अमित गायकवाड जिल्हा युवक अध्यक्ष.

रायगड प्रतिनिधी - वंचित बहुजन आघाडीच्या वतीने 33 मावळ लोकसभा मतदारसंघासाठी वंचित बहुजन आघाडीचे सर्वेसर्वा बाळासाहेब आंबेडकर यांनी माधवीताई जोशी यांची उमेदवारी जाहीर केली. माधवीताई यांचा जनसंपर्क दांडगा असून मावळ मतदार संघाची इथंबूत माहिती माधवी  जोशी यांना आहे. मागील वर्षभरापासून माधवी जोशी या प्रचार प्रसार करत असून घराघरांमध्ये माधवी जोशी यांचे काम पोहचले आहे. मावळ मध्ये होणाऱ्या निवडणुकीत माधवी जोशी या बाजी मारण्याचे चित्र सर्वत्र दिसत आहे. अनेक दिवस उमेदवाराच्या प्रतीक्षेत असणाऱ्या वंचित बहुजन आघाडीच्या कार्यकर्त्यांची प्रतीक्षा आदरणीय बाळासाहेब यांनी थांबवून तगडा उमेदवार दिल्याने वंचित बहुजन आघाडीच्या कार्यकर्त्यांमध्ये उत्साहाचे वातावरण आहे . असे वक्तव्य रायगड जिल्हा युवक अध्यक्ष अमित गायकवाड व महासचिव रायगड वैभवजी केदारी यांनी पत्रकारांशी बोलताना केले.