टिटवाळ्यामध्ये भव्य रक्तदान शिबिराचे आयोजन, रेड स्वस्तिक सोसायटी, स्पर्श फॉउंडेशन आणि निरामय हॉस्पिटल यांचा पुढाकार

वावोशी/जतिन मोरे :- रेड स्वस्तिक सोसायटी, स्पर्श फॉउंडेशन आणि निरामय हॉस्पिटल यांच्या संयुक्त विद्यमाने भव्य रक्तदान शिबिराला टिटवाळ्यातील नागरिकांनी उत्फुर्त प्रतिसाद दिला. टिटवाळ्यातील उद्योजक मनोज पवार यांनी भव्य रक्तादान शिबीर आयोजित केले होते. या रक्तदान शिबिराला महिलांनी देखील हजेरी लावली होती. तसेच रेड स्वस्तिक सोसायटीचे प्रमोद नांदगावकर सर यांच्या सहयोगाने स्पर्श फॉउंडेशनचा रक्तदान शिबीर मोठया उत्साहात पार पडला. यावेळी या कार्यक्रमाला टिटवाळा पोलीस ठाण्याचे पोलीस निरीक्षक सुरेश कदम हे प्रमुख पाहुणे म्हणून उपस्थित होते.  त्यांनी स्पर्श फॉउंडेशन व निरामय हॉस्पिटलच्या या उपक्रमाचे कौतुक करीत त्यांना पुढील वाटचालीस शुभेच्या देण्यात आल्या.  डिस्ट्रिक्ट सर्जन सेंट्रल हॉस्पिटल उल्हासनगर -3 चे प्रमुख डॉ. पवार सर, विलास वाघमारे यांची उपस्थिती होती. तसेच स्पर्श फॉउंडेशन चे प्रमुख डॉ. पुष्पराज स्वामी, संदीप पाटील, मंगेश धुरंधर यांनी सर्व मान्यवरांचे स्वागत केले व सन्मान चिन्ह देऊन प्रमुख पाहुण्यांचा सत्कार केला तसेच या कार्यक्रमाचे नियोजन महेश ऐगडे, हर्षल पवार, सिद्धार्थ निकम, रज्जाबली शेख यांनी पार पाडले.